Twee vrouwen staan voor een rek thermoflessen en lachen naar elkaar. Arrow

Fiansa empresarial

Invertí den bo empresa ku un fiansa empresarial di Qredits 

Apliká pa un fiansa empresarial

Bo solushon finansiero

Qredits ta ofresé fiansanan empresarial pa empresarionan di e sektor di negoshinan mediano i chikí. Na Qredits, bo por apliká pa un fiansa pa inisiá bo propio negoshi òf pa hasi invershon i ekspandé bo negoshi eksistente. Durante e sita ku un di nos konsehero empresarialnan, nos lo evaluá e fiansa ku ta mas adekuá pa bo.  

Un fiansa empresarial adekuá pa tur situashon 

E inisio di bo negoshi, kompra di inventario, òf kompra di un negoshi tur ta rekerí fondo. Nos lo asistí bo ku un fiansa adekuá pa finansiá bo plannan di negoshi, sea esaki ta pa un término largu òf kòrtiku.  

Kiko ta un fiansa empresarial? 

Nos fiansa empresarial tin un término entre 1 i 10 aña. Lo bo paga un montante fiho lo keda hasí tur luna kual ta konsistí di un pago di e fiansa i interes. Dor di konsultá ku nos konseheronan empresarial, nos lo evaluá kua fiansa ta mas adekuá pa bo negoshi.  

Invershon den bo negoshi ta kuminsá ku Qredits! 

Apliká pa un fiansa empresarial

Nos fiansanan empresarial:

Mikrokrédito

Te ku Cg. 100.000 pa empresarioan eksistente i Cg. 50.000 pa empresarionan nobo. 

Fiansa di Energia

Te ku Cg. 100.000 pa empresarionan eksistente ku ke hasi nan empresa mas sostenibel.

Kiko ta e pasonan rekerí n'e momentu di apliká?

Pa por evaluá bo petishon di un forma adekuá i rápido, nos ta rekerí sierto dokumentonan. Ta importante pa bo tin e dokumentonan aki disponibel na momentu di hasi bo petishon pa un fiansa.   

Pa empresanan nobo (‘startup’): 

Bo plan di negoshi. Aki bo por haña un ehèmpel di un plan di negoshi. 

Un plan finansiero ku ta deliñá e invershon ku bo ke hasi. Aki bo por haña un ehèmpel di un plan finansiero. 

Pa empresarionan eksistente: 

  • Deskripshon di e aktividatnan empresarial i e merkado; 
  • Kopia di inskripshon na Kámara di Komèrsio i Industria (KvK); 
  • Presupuesto di invershon ku splikashon; 
  • Sifranan anual di e último 2 añanan di e ‘accountant’; 
  • Sifranan interino di e aña aktual (di bo propio atministrashon); 
  • Presupuesto operashonal; 
  • Kalkulashon di likidashon. 

Apliká pa un fiansa. Ora nos risibí bo petishon, nos lo pone man na obra! 

Nos lo revisá si bo petishon ta kompletu. Si falta algu, bo lo risibí un mensahe di nos.  

Si e petishon ta kompletu, un konsehero empresarial di Qredits lo traha un sita personal ku bo. 

Durante un sita personal, nos lo kubri bo plan, situashon, i e posibilidatnan den detaye. Tambe nos lo informá bo tokante e siguiente stapnan ku mester keda hasí pa por finalisá e proseso di aplikashon.  

Despues di e sita ku nos konseheronan empresarial, un evaluashon final di bo aplikashon lo keda hasí dor di revisá tur dokumento ku a keda entregá. Finalmente, bo aplikashon lo keda entregá serka nos ‘risk managers’ i bo konsehero lo informá bo tokante e evaluashon final di bo petishon. 

Chèk e proseso kompletu for di aplikashon te ku pago
Arrow

Kiko ta e montante ku bo ke fia?

Yena e montante i e término i risibí un indikashon inmediato di e montante pa luna ku bo mester paga bèk.  

Petishon di un fiansa empresarial

Nò, e fiansanan di Qredits ta sirbi prinsipalmente pa invershon den aktividat empresarial pa empresa. Qredits ta enfoká spesifikamente riba provishon di finansiamentu na empresarionan nobo i eksistente. Tambe nos ta ofresé sosten i guia den forma di training i ‘coaching’ pa sigurá e desaroyo kontinuo di e empresarionan.  

Nos ta aseptá petishon pa BV nan tambe. Den e kaso aki, semper nos ta èksigí un garantia personal kompletu di e direktor i 'shareholder'(nan). 

Si bo negoshi ta operashonal internashonalmente, bo por kualifiká pa un fiansa. E kondishonanan den e kasi aki ta ku bo kompania mester ta establesé na Kòrsou i mayoria di e aktividatnan di negoshi mester ta tuma lugá na Kòrsou. 

Si, Qredits su fiansanan ta disponibel pa empresarionan nobo (‘startups’) i tambe empresarionan eksistente. E montante máksimo ku por keda suministrá ta Cg 100.000 pa empresarionan eksistente.  

Tira un bista riba nos lista di chekeo akibou i haña un idea tokante e dokumentonan nesesario di un empresario eksistente:  

Petishon nan ku ta kai bou di e siguiente sektornan lo no keda prosesá dor di Qredits.  

  • Negoshinan relashoná ku sèks òf aktividatnan erótiko similar; 
  • ‘Coffeeshops’ – Establesimentunan relashoná ku benta di mariwana; 
  • Kantornan ku ta hasi kambio di moneda i/òf ‘pawnshops’; 
  • Empresanan relashoná ku benta di droga; 
  • Komèrsio di arma; 
  • Kompanianan di komèrsio ku transakshonan di importashon i eksportashon pa paísnan polítiko i ekonómikamente instabil.   

Aparte di ‘eenmanszaak’, Qredits ta atendé petishon di tur organisashonan ku por registrá nan mes na Kamara di Komèrsio. Pensa por ehèmpel riba: Besloten Vennootschap (B.V.), Naamloze Vennootschap (N.V.), Vennootschap onder Firma (V.O.F.), fundashon, i asosiashon. Kompanianan ku ta registrá den eksterior, por ehèmpel Ltd., si no ta bini na remarke pa un fiansa.

Apliká pa un fiansa empresarial
Benefisionan di Qredits

Personal

Ku enfoke riba e empresario

Profeshonal

Kolaborashon ta resultá den éksito

Sosial

Nos ta kontribuí na sosiedat

Konektá

Nos ta krea un ret profeshonal i konektá

FAQs pa empresarionan ku negoshi nobo

Si, ora ta trata di inisiá un negoshi, ta nesesario pa bo tin un bon plan di negoshi pa por evaluá bo petishon. Qredits ta ofresé diferente hèrmènt pa skibi un plan di negoshi. Por ehèmpel, bop or hasi uzo di nos shablon di plan di negoshi grátis Tambe bo por kuminsá ku nos ‘e-learning’ skibi un business plan. 

Nos ta konsehá ‘coaching’ ora bo sera un fiansa. Pues semper tin un coach disponibel. Meta di e 'coach'ta pa guia e empresario i huntu hasi un éksito di e negoshi. 

Huntu nos lo wak kiko bo nesesidatnan ta i kon nos por realisá esakinan.  

Normalmente, denter di 14 dia ku e sita personal ku e konsehero empresarial tuma lugá un ‘update’ lo keda duná tokante e finalisashon di bo aplikashon. E término di e petishon ta dependé riba kon lihé e dokumentonan nesesario keda entregá. Ora esakinan keda aprobá, e kontrato i dokumentonan adishonal lo keda trahá i mandá. Unabes e akta ta firmá i otro dokumentonan relatá na e kondishonan menshoná den e kontrato ta entregá, lo depositá e montante finansiá den máksimo 10 dia di trabou.  

Nò, e montante máksimo di krédito ku Qredits ta finansiá ta Cg 100.000. Pa e motibu aki nos ta konsehá bo buska finansiamentu pa e montante èkstra (òf mas) promé na, por ehèmpel, un banko. Tene na kuenta ku alfinal e empresa mester por paga tantu e fiansa pa e montante èkstra komo esun di Qredits pa kubri e otro parti di invershon.  

Nò, Qredits ta suministrá solamente fiansa komersial te ku Cg 100.000.

Den kaso di un finansiamentu kombiná, e parti ku banko ta finansiá mester ta aprobá i e kondishonnan relatá na esaki mester ta konosi promé.  Seguidamente, bo por hasi un petishon di krédito na Qredits. E finansiamentu bankario ariba menshoná, no por ta di un suma mas haltu ku Cg 100.000. 

Arrow
Charlotte Leer
Bo tin pregunta òf mester di asistensia?

Bo tin pregunta? Nos tei pa asistí bo! Tambe pa konseho tokante fiansa, training, òf ‘coaching’. Tuma kontakto ku nos.  

Kontakto