Fiansa di Energia
Un fiansa pa hasi bo empresa mas sostenibel
Kiko ta un Fiansa di Energia?
E Fiansa di Energia ta un fiansa empresarial te ku Cg. 100.000, desaroyá pa hasi bo kompania mas sostenibel i redusí gastunan di energia. E fiansa aki ta keda ofresé na un interes mas abou. Bo ta paga un montante fiho mensual pa interes i amortisashon, asina aki bo sa eksaktamente unda bo ta pará.
Ku e Fiansa di Energia, Qredits ke stimulá solushon i invershonnan sostenibel na empresarionan nobo i eksistente.
- Montante: te ku Cg 100.000
- Término di e fiansa: 60 luna
- Interes Fiansa di Energia 4,95%
- Gastunan di atministrashon di Cg 500 te ku 1.65% di e fiansa te ku máksimo di Cg 1.350
- Pago: montante fiho mensual pa interes i pago di e fiansa
Lista di chekeo pa bo aplikashon
Promé ku bo apliká pa un Fiansa di Energia, ta importante pa bo tuma bon nota di e dokumento i informashonnan nesesario. E siguiente lista di chekeo ta spesifiká e informashon ku nos ta rekerí durante aplikashon di e Fiansa di Energia.
- Deskripshon di e aktividatnan empresarial i e merkado;
- Kopia di inskripshon na Kámara di Komèrsio i Industria (KvK);
- Presupuesto di invershon ku splikashon;
- Sifranan anual di e último 2 añanan di e ‘accountant’;
- Sifranan interino di e aña aktual (di bo propio atministrashon);
- Presupuesto di ganashi i pèrdida;
- Kalkulashon di likidashon.
Kiko mi por hasi mas sostenibel den mi kompania?
Usa e Fiansa di Energia pa panelnan solar, depósito di bateria òf mas pa asina aliviá e ret di koriente i usa energia mas efisientemente.
Hasi invershon den isolashon i lusnan LED.
USa e Fiansa di Energia pa invertí den èrkonan ku ta spar koriente, ekiponan di kushina i otro mashinnan mas efisiente. Bo por ahustá bo liña di produkto tambe pa redusí uso di kombustibel fósil i elektrisidat.
Konsiderá hasi invershon den un outo eléktriko di kompania òf outo ku ta usa kombustibel biológiko òf hidrógeno pa redusí uso di kombustibel fósil.
Bo tin otro plannan relashoná ku sostenibilidat? Traha un sita ku nos pa huntu nos evaluá si esakinan ta kumpli ku e metanan di e Fiansa di Energia.
Coaching i training
Qredits tei pa bo no solamente pa finansiamenti. Tur persona ku sera un fiansa serka nos por risibí ‘coaching’ i partisipá den nos seshon nan di training. Asina aki bo por sigui desaroyá bo mes komo un empresario.Klaridat rápido
Na Qredits, nos ta yuda bo rápidamente! Despues di un sita personal ku un konsehero empresarial, lo bo tende denter di 2 siman si bo por risibí un fiansa. Pero, tur dokumento nesesario mester keda entregá i ta kompletu.
Bo tin difikultat òf pregunta? Nos tei pa asistí bo! Tambe pa konseho tokante fiansa, training, òf ‘coaching’. Tuma kontakto ku nos.