De viering van het 7 jarig jubileum van Qredits curacao

Nos partnernan 

Huntu, nos ta sali pa dilanti 

Ministerie van Economische Ontwikkeling (MEO)

E impakto ku nos ke logra den nos komunidat no ta posibel sin e partisipashon di Gobièrnu. Nos ta risibí sosten di Ministerio di Desaroyo Ekónomiko (MEO), ku ken nos ta traha huntu di manera konstruktivo pa realisá proyekto ku ta kontribuí di forma positivo na nos komunidad i na e MKB’ers (empresanan chikí i mediano).

Federashon Kooperativanan Uní di Produkshon (FKUP)

Nos ta traha huntu ku FKUP pa ofresé eksperensia práktiko riba e tereno di agrikultura pa hende nan ku ke traha den e sektor agrario i otro hendenan ku tin interés den sektor di agrikultura na Kòrsou. Ekspertonan di FKUP ta kompartí nan konosementu ku e partisipantenan di nos Agri-Business Academy, ku e meta pa yuda nan den un maneho eksitoso di nan empresa agrario.

Kamer van Koophandel (KVK)

Huntu ku e KvK nos ta traha pa apoyá e empresanan chikí i medianu na Kòrsou. Nos ta uni forsa i usa red di otro pa yega serka i duna sosten pa emprendedornan. Esaki ta permití nos pa guiá mihó tanto emprendedornan nobo komo esnan ku ta hasi negoshi kaba, den e prosesonan pa kuminsá of krese su negoshi.

E sektor empresarial, organisashon nan, edukashon, i gobièrnu 

Huntu, nos ta logra mas! Nos ta konstruyendo un ret aktivo di hungadonan riba merkado, organisashonnan sosial, i gobièrnu. Nos ta kolaborá ku diferente institutonan finansiero ku ta involukrá komo sosionan di finansiamentu di Qredits. Qredits ta e promé organisashon na Oropa ku ta kompli ku e 'European Code of Good Conduct for Microfinance Providers'. 

Partnernan ku Qredits ta kolaborá kune 

Kolaborashon ku bankonan lokal 

Qredits ta traha di huntu ku bankonan na Curaçao i na Oropa. Nos ta un fundashon sin meta pa ganashi. Nos kondishonnan di fiansa ta diferente for di esnan di banko, dunandonan e empresarionanan un chèns mas haltu pa kalifiká pa un fiansa na Qredits pa inisiá òf krese nan negoshi. 

Logos van InvestEU, stichting MKB Financiering en COSME

Partnernan di finansiamentu 

Qredits ta proveé finansiamentu na empresarionan for di nos propio balansa. Esaki ta nifiká ku nos tin kòntròl i por hasi nos propio akurdo ku empresarionan tokante e pago di nan fiansa, kual ta duna nos e chèns pa ta mas flèksibel. Nos ta risibí finasiamentu di diferente institutonan finansiero. Esakinan ta nos sosionan di finansiamentu:  

EIB (European Investment Bank)
EIF (European Investment Fund)
CEB (Council of Europe Development Bank)

Partnernan Internashonal 

European Microfinance Network (EMN)

Qredits ta un miembro di European Microfinance Network (EMN), e organisashon ku ta lider den Oropa pa institutonan di finansiamentu mikro. EMN ta representá e interesnan di su miembronan na nivel Oropeo ku ta boga pa legislashon i regulashon nan Oropeo efektivo pa garantisá un merkado di finansiamentu mikro stabíl. 

Youth Business International (YBI)

For di 2013, Qredits ta un miembro di Youth Business International (YBI), un organisashon benéfiko sin meta pa ganashi fundá den 2000 pa HRH Prins Charles. YBI tin komo meta pa kombatí desempleo hubenil den e grupo di edat 18-35, dor di stimulá emprendementu i ofresé finansiamentu, 'coaching', i treinen. E meta aki ta aliñá perfektamente ku e vishon di Qredits. 

Bo tin pregunta òf mester di asistensia? 

Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’.

Tuma kontakto ku nos.  

Tuma Kontakto