Retonan I e Empresario
Awor mas ku nunka, emprendementu ta juega un rol esensial den e ekonomia di Kòrsou. No solamente pa motibu di e oportunidatnan ku ta krese, pero tambe pasobra e desaroyo aktual ta pidi akshon, fleksibilidat i solushon lokal.
Diferente raportnan i inisiativanan di polítika a mustra ku empresarionan ta yuda krea mas trabou, mas inovashon i un ekonomia lokal mas duradero. I na Qredits Kòrsou, nos ta mira esaki tur dia den praktiká.Segun nos análisis i nos raport di impakto sosial, Qredits Kòrsou a kontribuí na e kreashon di mas ku 600 puesto di trabou – mas o ménos 1% di e forsa laboral na e isla.
Solo den 2024, nos a finansia 50 emprendédornan, ku un balor total di mas ku 2 mion florin.
Kòrsou ta un pais outónomo den Reino Hulandés ku un ekonomia chikí pero diversifiká. Tradishonalmente, ekonomia di e isla tabata basa riba turismo, komersio internashonal, servisio finansiero i e refineria. Aunke esnan aún tin un rol importante, e balansa ekonómiko ta kambia.
Turismo ta keda un motor fuerte: den 2024, e kantidat di turista a subi ku mas ku 20%, ku a kreá mas empleo i a stimulá sektor manera horeca, transportashon i industria kreativo. Pero esaki tambe ta pone e ekonomia na un posishon frágil pa motibunan internashonal—manera nos a mira den pandemia di 2020.
E sektor finansiero a bira mas chikí pa motibu di regulashon mas strikto i falta di invershon for di afó. E refineria na Willemstad, ku tabata un di e mayó dunadó di trabou, ta casi out of operation.
E gobièrnu ta trahando riba reforma i ta hasi invershon den infrastruktura, huntu ku Reino Hulandés. Aunke asina, e deuda nashonal i e desempleo entre hóbennan ta sigue kousa preokupashon.
Pa motibu ey, emprendementu no ta simplemente un opshon – e ta un nesesidat.
Bo ke sa kon Qredits Kòrsou ta kontribuí na e kambio positivo aki?
