Qredits ta finansia e prome tienda di eksperensia di e isla
Te na Yanüari 2024, Kòrsou no tabatin un lugá kaminda bo por eksperensia nos kultura na un manera interaktivo. Landish Kòrsou a kambia esaki. E tienda úniko aki ta ofresé tanto turista komo hende lokal un eksperensia spesial ku ta uni kultura, tradishon i smaknan di nos isla.
E inspirashon a bini for di mama di Najhilah, ku durante un bishita na Volendam a mira un tienda similar. “Un kos manera esaki mester tin tambe na Kòrsou!” e la bisa emoshoná. Despues di su estudio, Najhilah a disidí pa bolbe Kòrsou i realisá e soño huntu ku su mama.
Na Landish bo por bisti paña tradishonal, saka portrèt kolorido, purba kos di pasa boka, bebe jús natural i partisipá den tayer kreativo.
Nan mishon ta klaro: duna bida na historia ku ta toká hende, uni hende, i inspirá hende.
E futuro? Landish ke ekspandé ku un segundo espasio di eksperensia i un selekshon mas grandi di produkto pa yega mas hende.
Qredits Kòrsou ta orguyoso ku nos por a yuda realisá e inisiativa bunita aki. E ta mustra tambe ku nos tin konfiansa den nos empresarionan lokal ku ta tuma pasonan diferente, saliendo for di e rùtinan tradishonal.
Hasi e paso awe mes i logra bo soño úniko di empresario ku yudansa di Qredits.
