Liderazgo ku Impakto
JCI (Junior Chamber International) ta un organisashon mundial pa hóbennan entre 18 i 40 aña ku ke desaroyá su mes manera lider i kontribuí na komunidat. Na Caribe Hulandes tin varios kapítulo aktivo riba Kòrsou, Sint Maarten i Boneiru. Kapítulonan lokal manera JCI IOBA, JCI CLIC, JCI Willemstad i JCI YUB ta organisá treinen, proyekto i eventonan pa inspirá hóbennan pa trese impakto real den nan komunidat.
Na Qredits Kòrsou nos ta mira di serka kiko nos organisashon ta representá, danki na nos kolega Richards Martina – Marketing, Training & Events Coordinator – ku a wordu nombra resientemente komo National President 2025 di JCI Dutch Caribbean.
E rol importante aki ta duna Richards e oportunidat pa sigui desaroyá su kapasidatnan di liderato i pone su pasion pa sirbi komunidat den praktik. Su entrega pa kambio positivo ta klop ku e misión di Qredits: empodera hende, konektá nan i yudá nan riba su kaminda pa bira un empresario eksitoso.
Den 2022, JCI Internashonal a lanza e inisiativa Human Duties for Leaders, un yamada na lider di tur parti di mundu pa praktiká shete responsabilidat fundamental, manera:
Qredits Kòrsou ta duna apoyo na inisiativanan manera esaki ku ta yudá hóbennan na kombiná liderato ku kompromiso sosial.
