Empresario den Agrikultura den 12 Siman
Den 2024, Qredits a organisá dos edishon eksitoso (den mart i augustus) di Agri-Business Academy (ABA). E trayekto speshal aki tabata dirigí na partisipantenan ku ke kuminsá un negoshi den sektor di agrikultura—un sektor yen di potensial pa desaroyo sostenibel riba Kòrsou.
Durante 12 siman intensivo, partisipanten ambisioso a traha paso pa paso riba nan plan di negoshi. Nan a haña guia di empresarionan eksperto, ekspertonan di e mesun sektor i mentor ku konosé e práktikanan bon. Nan a siña di nan e éksitonan i tambe di nan fayonan—pasobra esei ta parti di ta un empresario.
Loke e partisipantenan a keda kune despues di e trayekto ta:
E teoria tabata n’e idioma Ingles, pero e berdadero dialógo-nan tuma luga den Papiamentu i nan tabata– personal, lokal i konfiabel.
ABA a bira possible danki na un kooperashon fuerte ku Ministerio di Desaroyo Ekonómiko (MEO) i Federashon Kooperativanan Uni di Produkshon (FKUP).
Aparte di e seshonnan duna pa Qredits-treiners, partisipanten tambe a haña lesnan práktiko dirigí pa ekspertonan di FKUP. Tur dos edishon a finalisá ku un presentashon final, kaminda e partisipanten a presenta nan plan pa un hurado ku tabata konsistí di representantenan di Qredits, MEO, FKUP i empresarionan ya aktivo den sektor di agrikultura.
Na total, 32 partisipante a finalisá e trayekto ku éksito—ku un plan nobo, praktiko i ku hopi motivashon.
Kla pa duna bida na bo idea? Mira nos servisionan!
