Emprendé mas fuerte ta kuminsá aki
Banda di finansiamentu i coaching, nos ta ofresé Q-Treinennan práktiko ku ta yuda e empresario bira mas fuerte den e mundu di negoshi ku ta kambia rápidamente. Nos seshonnan ta habri pa kliente, posibel kliente, i tur profeshonal ambisioso ku ke sigui desaroyá nan mes.
Den e di dos kuartal di aña 2025, nos a organisá tres training inspirativó, dirigí dor di nos mes kolega Richards Martina (Kordinado di Merkadeo, Eventonan i Treinen):
Kon bo por lidera bo mes i bo tim den momentu nan kritiko? Nos a trata tema manera desaroyo di vishon, dinámika di team i autorefleho. Partisipantenan a sali ku plan konkreto pa fortifiká nan estilo di liderazgo.
For di akuerdo di preis te na akuerdo ku partnernan di negoshi: negosiashon ta fundamental. Nos a kompartí strategianan, modelo di negosha i ehersisionan prátiko. Resultado: 18 partisipante ku ta mas sigur den e nan manera ku nan ta trata negosiashon.
Si bo ta hasi un presentashon, un benta òf un webinar: bo mensahe mester tin impakto. Partisipantenan a siña kon pa konta un historia, lenguahe di kurpa i kon elementonan visual por hasi e diferensia entre “skucha” i “keda konvensí”.
Tur seshon a konta ku 18 partisipante entusiasmá, ku a evaluá e treinennan un manera “hopi balioso”. Aparte di konosementu nobo, e seshonan a duna:
Ta esensial pa un klima empresarial sostenibel i resistente. No ta importá si bo ta kuminsá òf si bo tin hopi aña di eksperensia – nos Q-Treinennan ta yuda bo pa:
Bo ke tuma parti di e proksimo treinen? Sigui nos riba e kanalnan di medianan sosial (Facebook, Instagram) òf tuma kontakto via curacao@qredits.nl pa e skema aktual di treinennan. Huntu nos ta fortifiká e klima empresarial na Kòrsou manera nunka promé!
