Kreativo i sostenibel regalunan
Octamized Gifts & More, e tayer gráfiko ku ta ofresé un servisio kompleto kaminda bo idea ta bira realidat. Seis aña pasá, e doño Michèle a mira un oportunidat úniko, i ku ayudo di Qredits, e a haña su finansiá den tan solo dos dia.
Den su studio, Michèle i su team ta grabá premionan, logo di empresa, plaka ku nòmber, tumblers, keychains i hopi mas. Tur kos ta tuma lugá den kas, asina nan por tene kontrol riba kalidat, tempu di entrega i detaye.
Nan ta traha ku material sostenibel i mashinanan ku konsumo di energia abou – pasobra un bon diseño mester bai na man ku kuido pa e medioambiente. Ku un team fiho i un grupo di ayudante pa temporada ku mas trabou, Octamized ta keda fleksibel i adaptabel.
Michèle tambe ta duna konseho riba presentashon di produkto i branding, pa kada regalo por konta un historia.
“Octamized ta mas ku un negoshi pa mi – e ta un plataforma kreativo ku ta inspirá otro hende.”
Michèle ta ke sigui yuda mas emprendédornan den futuro, i e ta dispuesto pa kontribuí ku su konosementu pa lanta otro empresario nobo riba nan kaminda.
