Apia ku empresarionan tokante kresementu, kultura i finansamentu
Komo Qredits Kòrsou nos tabata tin e gran honor pa risibí Minister di Asuntunan Ekónomiko, Dirk Beljaarts, ku su delegashon durante un bishita na e negoshi SIMIA. E empresarionan di SIMIA, huntu ku e negoshi di Landish Kòrsou, a presentá nan produkto i servisio i konta tokante nan kuminsamentu, desaroyo i e desafionan ku nan tin.
SIMIA ta un negoshi fundá pa kuater empresario dinámiko ku a uni nan forsa pa traha huntu riba e empresa aki.
SIMIA ta un kompania lokal di té orgániko ku a wordu fundá den 2018. Nan ta produsí tres diferente sabor di té ku ya ta konosí riba Kòrsou. E té ta bini den zakí di té, loke ta hasi e proseso di pone té hopi mas fásil.
E sabor ku SIMIA ta ofrese aktualmente ta:
Aktualmente SIMIA ta eksportá su produktonan tambe na otro país (por ehèmpel Hulanda).
Kier sa mas tokante SIMIA?
Landish ta e úniko ‘one-stop shop’ riba e isla kaminda turista por ekperensha e kultuta auténtiko di Kòrsou.
E ta inkluí pone bisti pa tuma portret den paña tradishonal (konsepto manera na Volendam, Hulanda), júse lokal, kumpra suvenir auténtiko i partisipá den tayer kultural.
Landish ta komprometé pa selebrá i preservá e herensia kultural di Kòrsou i pone tradishon, kustumber i ekspreshon artístiko di nos isla na prominensia pa tanto residente komo bishitante.
Bo ta interesá pa sa mas tokante Landish?
E ‘Subsidieregeling Borgstelling MKB-kredieten Aruba, Kòrsou i Sint Maarten’ (BMKB-ACS) tin komo meta pa kontribuí na un mehor aksesibilidat na kapitaal finansiero pa empresa chikí i mediano (MKB) na Aruba, Kòrsou i Sint Maarten. Di e forma aki e areglo aki ta stimula kresementu ekonómiko na e tres islanan aki. Instituto nan finansiero ku tin lisensia i eksperensia den kreditashon i finansiamentu di MKB na Aruba, Kòrsou i Sint Maarten por, ku yudansa di e subsidio aki, por redusí e riesgo nan finansiero.E instituto finansiero ta firma un akuerdo ku Reino Hulandes pa realisá esaki.
Bo ke sa mas tokante BKMB ACS?
