For di start te kresementu
Durante e siete añanan, Qredits Kòrsou a kontribuí na kreashon di mas o ménos 1% di e total di forsa laboral di Kòrsou ku mas ku 2000 trabou. Nos tin un portafolio di mas o ménos 470 klientenan i nos a otorgá un total di 20 miyon florin den fiansa pa empresarionan.
Riba 17 di April 2018, Qredits Kòrsou a habri su porta pa yuda empresarionan logra nan soñonan. For di nos kuminsamentu humilde te na bira un parti importante den ekonomia di Kòrsou — nos no por a logra esaki sin un tim talentoso ku a pone nan skouder tras di kada empresario pa nan por a yega na nan máksimo poténsial i pa pone Qredits Kòrsou riba e mapa.
Den e siete añanan ku a pasa nos a konosé hopi kuentanan inspirativo. For di mama soltera ku a hasi tur esfuerso pa por kria su yunan, te na empresario ku a kuminsá ku un simpel konsepto i ku awor ta un di e grandinan den nan sektor aki na Kòrsou. Awor nos ta siete aña mas leu i nos ta orguyoso den nos partisipashon den ekonomia di Kòrsou.
Nos a selebrá nos 7 aña di eksistensia huntu ku nos Tim i ‘Coaches’ ku ta ingredientenan di nos éksito durante e último añanan.
Qredits Kòrsou a kontratá su promé trahado pa kuminsa riba 17 di mart 2018: Raiska Herrera, ko-fundadó i Branch Manager. Un eksperto finansiero ku mas ku 20 aña di eksperensia, ku ta lidera ku impakto sosial komo su motivashon prinispal. Ku su eksperensia den banko komersial, e la desaroya for di manéha kuenta di MKB pa sirbi gran klientenan korporativo i eventualmente dirigi un instituto sosial-finansiero. Komo lider, e ta uni pensamentunan strategiko ku un manéra di komuníká habri pa stimula e kresementu di e tim.
Awendia Qredits Kòrsou ta konta ku un tim di alrededor di kuater persona ku ta kla pa sirbi i yuda nos klientenan.
Nos promé ofisina tabata na Caracasbaaiweg. Un aña despues nos a muda pa Ser’i Loraweg, banda di e eks-Giro Bank. Dos aña despues, Qredits Kòrsou a establese su lokashon aktual den e distrito finansiero na Schottegatweg Oost, banda di Guardian Group.
E lokashon nobo aki no solamente a duna mas bista, sino tambe a pone nos mas strategiko komo un instituto n finansiero sosial den komunidat. Ku e mudansa aki nos tambe a establese un sala di entrenamentu pa por ofresé treinennan i presentashonnan pa nos klientenan — un pakkete kompleto di servisio.
Kurikui pa sa kiko nos ta oferé den nos salón di entrenamiento?
